Ledig stilling
Brenn du for ei framtidsretta oppdrettsnæring? Ynskjer du å vere med Hardingsmolt i ein spennande utviklingsfase når me no utvidar anlegget vårt i Tørvikbygd? Me er på jakt etter ein kompetent og sjølvgåande person med god teknisk innsikt og kompetanse for å bli ein del av vårt team i Tørvikbygd.
Me søkjer automatikar
Me ser for oss at du liker å jobbe i eit innovasjonsretta oppdrettsselskap. Kanskje du er også interessert i samspelet mellom teknikk, kjemi og biologi. Du ser verdien av å jobbe saman mot eit felles mål saman med kjekke kollegaer med ekspertise frå ulike fagfelt. I denne stillinga vert dine arbeidsoppgåver varierte og beståande av t.d.
tilsyn, vedlikehald, oppgradering og feilsøking av anlegg og komponentar
tilsyn av renseanlegg og sensorikk knytt til disse
registrering av kontrollparameter
oppfølging av produksjons-, vedlikehalds- og internkontrollsystem
røkting og tilsyn av fisk
deltaking i større operasjonar knytt til mottak og levering av fisk
mulighet for å inngå i vaktordning
Me treng deg som raskt kan setje deg inn i nye arbeidsoppgåver og vere med og utvikle korrekt arbeidsmetodikk, men også ta del i praktisk problemløysing. Du har ei oppriktig interesse for oppdrett, og kommuniserer effektivt med dei rundt deg på norsk.
Kvalifikasjonar og eigenskapar
fagbrev som automatikar
kompetent og sjølvgåande problemløysar
bidrar positivt til arbeidsmiljøet rundt deg
Hos oss vert du del av eit dyktig team som jobbar tett saman for å gje gode veksttilhøve for fisken. Hardingsmolt er opptatt av å vidareutvikle kompetansen til våre tilsette og å halde seg oppdatert på aktuelle kurs.
Me kan tilby
konkurransedyktige vilkår.
for den rette kandidaten er det mogelegheiter for å bygge erfaring og utviklingspotensiale innad i organisasjonen.
veldig gode pensjons- (AFP og innskot) og forsikringsordningar.
For ytterlegare informasjon om stillinga, ta kontakt med Marthe Knight, administrasjonssjef på tlf. 94177549.
Søknad og CV sendes innan 7. februar 2025 til: marthe.knight@hardingsmolt.no
Me på Hardingsmolt er opptekne av å læra, og alle tilsette har ei eller anna form for utdanning. Hovedvekta av dei som jobbar her har fagbrev eller jobbar med å få det. For driftsoperatørar er fagbrev innan akvakultur og havbruk ynskjeleg, medan på teknisk side er erfarne arbeidarar med fagbrev innan røyr, automasjon, elektro, bygg, mekanisk eller andre tekniske disiplinar aktuelle.
Det vert jamleg tatt inn lærlingar. Per i dag er det fire personar i lære i Tørvikbygd på faget akvakultur.
I administrasjonen følgjer me opp kvalitet, produksjon, personale, HMS og tekniske system. Her er det ynskjeleg med høgare utdanning og relevant erfaring.
I tillegg til ferdigstilt formell utdanning (eller viljen til å få det) trengs det sjølvstendige tilsette med gode haldningar. Me som tilsette er heldige som får lov å jobba med fisk som til slutt vert fantastisk god mat, men i dette arbeidet ligg det mykje tillit. Tillit får ein ved å stadig verta betre og gjera tiltak for at fisken har det bra i anlegget.